هلت دموع السما عند الوداع
وأرسلت ف غيومها شوق وحنين
قلت ودع ما يفيد الإمتناع
والشقى مقسوم مير الله يعين

لي ذكرت اللي حدر هاك القناع
مبسمه مع نور خده الجبين
رمشها الفتان وعيونٍ وساع
صوروا بالقلب له رسم حسين

شوفتي لك ساعة عندي متاع
متعة الدنيا نظر عينٍ لعين
كل ما لاح بسما قلبي شعاع
غيمت دنياي وأشتد الونين

لو بغيت الصبر قلبي ما استطاع
يا سعد يا كود فقدان الظنين
يا حسايف وقتنا والعمر ضاع
نجتمع يومين والفرقا سنين