محتاجلك مالك على قلبي يمين
ماني على غيبتك قادر أعترف
غصب عني ما خفيته لك يبين
شوف وجهي كيف لونه منخطف

مستحيل إنك تتكرر مرتين
في عيوني وحدك إنت المختلف

من رحلت أقول يا ربي تعين
راضي فبعضك إذا ما هو النصف
لا هدى لي بال ولا نامت لي عين
عيا دمعي من على خدي يجف

ماني بطيب وحالي بجد شين
كنت لي أغلى الأماني والصدف
والسنين اللي قبل حبك سنين
ضايعة والحظ فيها ما وقف

أشعر إني بس أنا لحالي حزين
فاقد الرغبة ولا أحس بشغف

اللي فيني شي أكبر من حنين
اللي فيني تدري والله ماعرف