أنا بعيش بك وإلا بدونك
تعودني على بعدك سنيني
أحبك موت و تخونك ظنونك
حرام يصير هذا الظن فيني

أنا لي قلب يشكي من طعونك
و أنا لي قلب يا خلي يبيني
كثير الظلم شفته في عيونك
سقتني مر واسقيتك حنيني

أشوف الليل من دوني ودونك
حجب شمس الفرح بينك وبيني
جريح الحب ما يقوى يخونك
نوى يبعد وربي له يعيني

فمان الله يا باقي شجونك
فمان الله يا أمسي الحزيني
حشى لله ما أصير مغبونك
يموت الحب ولا أحني جبيني