يا شوق أنا قلبي لهوف
على الليالي المقبلة
أخاف تطري لك ظروف
وأخاف حبي تجهله

وأخاف أنا عينك تشوف
غيري وحسنك يذهله
واحد أنا ضمن الألوف
منك الوداد أتأمله

الله أكبر يا الهنوف
دمي لكم من حلله
أنكرت لي قلبٍ شغوف
وأصبح فؤادك يخذله

إن كان لك جدة صروف
أنسى غرامي وأهمله
ما دام قلبك ما يروف
ما في المحبة مشكلة

يا شوق أنا قلبي لهوف
على الليالي المقبلة
أخاف تطري لك ظروف
وأخاف حبي تجهله

خلك على قلبي عطوف
منك الجفا ما أتحمله
في داخلي شوقٍ وخوف
طالع فؤادي واسأله

أرجوك يا عذب الوصوف
قلب الغلا لا تميله
لا بد لحظاتك تطوف
تنهي بحياتك مرحلة

يا شوق أنا قلبي لهوف
على الليالي المقبلة
أخاف تطري لك ظروف
وأخاف حبي تجهله