حسبتك لي أنا وحدي
وهذا كل آمالي
ولو إنك تحب غيري
عزيز وعندي الغالي

وكان إفتراض قلبي
لعيونك أنا التذكار
ولو إنك بعيد عني
أنا أنتظر منك الأخبار

حسبتك لي أنا وحدي

إذا ريح الجنوب هبت
تصورت إنه مرساله
وروح من الوله ذابت
وصارت حالتي حالة

منى عمري أبي صوتك
يطرق أسماعي
خطاوي وصلك المنشود
منى عمري ترى منك
كلها أوجاعي
وأحزاني مالها حدود

حسبتك لي أنا وحدي

يا ما تمنيت بليلة شوق
نسمة هواي
وتاخذني لك الأشواق
ويا ما تمنيت بليلة شوق
إنت معاي
بقربي وداخل الأعماق

ونزرع كل صحارينا
بورود الحب والأحلام
ونروي كل أمانينا
بتلاقينا مدى الأيام

حسبتك لي أنا وحدي