ما جته يحتريها موعده
مال انتظار إلا جته
يحتريها حافظ بعض الكلام
اللي يبلغ حاجته

يتأمل بالوجيه ويتحراها تجيه
والثواني يائس يرتجيها وترتجيه
لا تأمل بالوجيه موعدك لا ما تجيه

الناطر الموعود أشبهه بالعود
اللي وقفت يوم على متنه حمامة
راحت وناطرها تعود
راحت وناطرها تعود
طويل نفس ليله
ويرجي صبر حيله
ويله كم تأمل بالوجيه
كم تمنى لو تجيه

لو قيل لي
إن القمر ياطى على متن النجوم
والشمس إذا جا الليل
ترخي جوانحها وتنوم
أصدق وما أصدق تجيه
ولو قيل لي
إن الغرام عيون
وإن الغيوم قلب على الصحرا حنون
أصدق وما أصدق تجيه

ومع آخر أنفاس الظلام والانتظار
ملامحي بين الألم بانت نهار
اللي هواها وما درت تخيلوا جت
وجهها غير الوجيه
كنت أحلف ما تجيه
وهي جته