أضحكتني كلمتك وين الدليل
عن هواي اللي تقول وتدعي
الدليل الهم والجسم النحيل
وأرتعاش الصوت لا صرتي معي

الدليل الدمع من عيني يسيل
يوم هزيتي بوداعك مسمعي
الدليل الجرح والصمت الطويل
بانتظار إنك عليا ترجعي

الدليل إني ركبت المستحيل
لأجل أغير في عيونك موقعي
يوم كل عاش في فيءٍ ضليل
كنت أسافر وآخذ أحزاني معي

أعبر الدنيا كما عابر سبيل
شايل جرح الهوى في أضلعي
أدري إن الوقت لو يعطي بخيل
بس أحاول يمكن أنسى موجعي

كل هذا وتسألي وين الدليل
عن هواي اللي تقول وتدعي
أعتذر كلي آسف ما به دليل
اقنعي بالحب أو لا تقنعي