بين الوجيه أدوره ما لقيته
كنه مواعدني مكانه ولا جاه
أقول يا ذكراه وينه وليته
وقلبي يقول إني مع الدرب بلقاه

يمر عنوان الغلا باب بيته
ويصبح لا منه وصله وتعداه
البارحة مع كل هاجس سريته
شفت الليالي المظلمة بعد قمراه

ياما تخيلته بدربي وجيته
وياما تلاقت فالمواعيد ذكراه
أنا أدري إني لو بشوفه بكيته
أدفع ثمن هـ الأمنية وأتمناه

ما بغي الوصول لو قال قبلي بغيته
ويروح بأسرار السنين وخطاياه
وما أقول له يا ليتني ما عطيته
أخترت حبه مثل ما أخترت فرقاه