لا تحسبني داله عنك ناسيك
لا والذي تنصى المخاليق ببيته

لا شك حال اليأس دون الرجا فيك
مالي عن المكتوب لو ما رضيته

ما شفت دمعة عيني اللي تراعيك
هلت على المكتوب ساعة قريته

وإن كان جا مستقبلك مثل ماضيك
أقول يا خلاف سعي سعيته

وإن كان تغليني غلا مثل ما غليك
مجبور توطى بالهوى ما وطيته

إلى متى راحت حياتي وأنا أرجيك
الله لا يقطع رجا بك رجيته

لو كان تنساني فلاني بناسيك
حق وذا ذنب لنفسي جنيته