كريم يا بارق ينوض حدري
واللي سرى بالغداري يقتدي به

وإلى ضرب وادي خلاه يجري
محلا بيوت البوادي تبتدي به

يا مدمج الساق حالي منك مبري
بري النجاجير عيدان صليبه

أبو قرون تغذى بالشمطري
مثل السفايف على كور النجيبه

أبو عيون ليا دلت تخزري
ترمي بالأسباب ويل اللي تصيبه

يا من يرد الحبيب وياخذ أجري
قفى بلا سبة ربي حسيبه

البارحة يا حبيبي ضاق صدري
من واهجن بالحشا زود لهيبه

اللي يبينا نبيه والكل يدري
واللي تغلى علينا ويش نبي به