إنتي مثل ما إنتي على كثر مامر
أغلى البشر ماحد يسواك عندي
غلاك ما اخفيه واقولها جهر
يا حلمي الأول وقبلي وبعدي

حروف أسمك في فؤادي لها سر
أسمك عن وصوف الملاحة يسدي
يا دهن عود ان ترتب تبعثر
والأول الثالث ترى العود هندي

لك فوق حد العمر عمر ولي عمر
عندك وانتي ما بقى العمر خلدي
يا صافيه كالبدر يا عمة البدر
يا نور يا منثور فل ووردي

إذا ظهرت ساعة شفتها دهر
واطالع الباب أنتظر إن تردي
كر الليالي والليالي لها كر
ما غيرتني وانتي أيام سعدي

يا سيدتاً على البيض والحمر والسمر
ويا شوق ما أحصيه جزر ومدي
كل الليالي شفتها ليلة القدر
من يوم شفتك يا غرامي ووجدي