نخبي ليه في أسرارنا
وأنا وإنت مفيش غيرنا
ولو ننسى مشاعرنا
نكلم مين يفكرنا

يا روح الروح بتنساني
وأنا فاكر وموش نساي
تغيب عن عيني من تاني
ومن غير حب أعيش إزاي

ومهما تغيب بعيش وياك
وأشوفك وردة في الشباك
ودمعة حب في عينيا بتستناك
يا أحلى ملاك

قالوا لي الحب له علامات
في نبض القلب والهمسات
وروح بتطير تنادي عليك
ورعشة إيدي في السلامات

في عز سكوتنا نتكلم
عيوننا بتحكي وبتحلم
وأنا حسيت بأنفاسك
تدفي إيديا وتسلم

بقولك آه ومن غير صوت
تحبني موت وأحبك موت
وإحساسنا يونسنا
وأقوى من الحياة والموت