الا يا وقت وين اللي على بالي يجي ويروح
هذاك اللي ملك قلبي وتفكيري و وجداني
أموت بطيفه اللي لا لمحته تنتشي بي روح
أحس إني إذا شفته كأني بعالم ثاني

أحبه والأمل باني في قلبي من غلاه صروح
حبيبي لو يمر طيفه يبدد ماضي أحزاني
أحبه حب لو يدري عن اللي بخافقي من بوح
نسى كل الزعل وارخص حياته دون حرماني

تحملت الخطأ منه وإذا اخطى بعد مسموح
حبيبي ما عليه أزعل إذا اخطى و خطّاني
تذكرته وأنا ناسي ونسيته والوفا مجروح
غريبه حالتي والله وهو ذكراه نسياني