نجد يا مكة ومسجد رسول الله بخير
والوطن طيب جنوبه تطمن يا الشمال
وما على شرقية العز من شر الغرير
دام فمحمد نفس اضحك وميل عقال

يالوطن حنا عيالك وهالسيف الشطير
له يدينا من خلقنا ولا قد يوم مال
سر بنا نبهج بك الصدر أي والله سير
وابشر بعزك ترانا عدوين المحال

وشفت هذا اللي يقولون ما والله يصير
يا وطن لعيونك يصير ما فيها مجال
يا السعوديه هنا الشعب وطويق وعسير
وفي مرودنا كفنا من المولد تقال

شايفين اللي ورا الليل من قبل الاخير
وقاريينٍ في صلاة الفجر في عشر الليال
يا وطن سلمان وأنا ودين الله بخير
ودام فمحمد نفس اضحك وميل عقال