‏لا اله إلا الله
لا اله إلا الله
لا اله إلا الله
والنبي صلوا عليه

يوم أقبلت فاح الفرح طيب وبخور
من أسمها لا من طرت طيبها زار
وإلا ظهرت تمطر رياحين وعطور
وباح الجمال بنور وعلوم وأسرار
عبدالمجيد عبدالله

إمشي على غيم يباريك مبهور
له من سنا روحك رذاذ وأمطار
واسري مثل نجم تبختر به النور
به تستدل الشمس وتطيش الأنوار
زينة عماد

يا بذرة العوجا لك الكل مسرور
من كل جد فيك شيخه ومقدار
عبير يا روحٍ تماري بها الحور
عبير يا ورث المشاكيل الأحرار
كورال

عبير يا نسمة بها الطيب مذخور
عبير يا نخوة طويلين الأعمار
الزين فيها بين منهي ومأمور
والعز منها جذوة من سنا نار
عبدالمجيد عبدالله

نوره هناك اليوم ما يكفي شعور
يا عل فرحك والهنا فيض وأنهار
وأخوانها اللي لا بغت تطلب الشور
تفازعوا دونك صليبين الأشوار
زينة عماد

سلطان يا حظه خذا بسمة الدور
هو سيفك المسلول بالطيب بتار
من ماكر طيبه مجرب ومخبور
من شذرة العارض كريم ومغوار
عبدالمجيد عبدالله

ما تكفي الفرحة كتابات وسطور
ولا توفي الدمعة من الغيث مدرار
يالله عسى بيت بنيتوه معمور
ويرزقكم الله بالهنا خير الأقدار
زينة عماد

غطرفي يا دار فالك للسعد
وأبشري بالعز لا فاح العبير
وأستعد الليل بثياب جدد
ليلة ما مثلها خير في خير
عبدالمجيد عبدالله

ليلنا هل الفرح به وأنعقد
عرس سلطان وغلا الدنيا عبير
أقبلي غيمٍ على الروح وبرد
أقبلي شمسٍ على الدنيا تنير
زينة عماد

للسحاب فطرحتك برق ورعد
يوم شفنا فرحة العمر الكبير
غير هذا الفرح وش نبغى بعد
نشكر الله ونحمده خيره كثير
عبدالمجيد عبدالله

في عيونك فرح نوره انولد
والفرح أمسى بعين أمك قرير
يا عسى التوفيق فالك للابد
والسعد دايم على بابك بشير
زينة عماد