الجديد إن الهموم أكثر من أول
والسعادة طيف يذوي كل يوم
الجديد إنه خفوقي ما تحول
حاملٍ وده ولا عنده خصوم

الجديد إن الحزن في العين حول
والفرح في نظرتي صار مهزوم
الجديد إن الصبر طول وطول
والحياة إجهاد والدنيا عزوم

الجديد إن الصديق اللي تقوّل
ما صدمني مير مالي به لزوم

صاحبي من حر مابي لا تهول
المطر له ساعةٍ عقب الغيوم
صاحبي مبطي شعوري ما تجول
في شجون الوقت ماليه الوجوم

صاحبي ما عاد ظرفي مثل الأول
لومني منت الوحيد اللي يلوم