مطبقالك بقالي يومين
بفكرلك في مدخل سهل
أقولك منه على حاجتين
مخلوش عندي أصلاً عقل

مشتت ليا تفكيري
وكل ما أقول هقول بسكت
بخاف ليخوني تعبيري
ويبقى كلامي مش بالشكل

بصاتك مالها كده بتاخد وحياتك
قولي إزاي دي في أساسياتك
عامل حاجة في كل حالاتك
خاطفة الناس ومسيطر

عامل لمشاعرك خط أحمر
ماشي بمبدأ مش بتغير
خدتني فوق ما أنا كنت أتصور
ليك وخلاص

لو قلبي طالك أكيد هتشوف
اللي عمرك ما شفته في حد
هفاجئك باللي مش معروف
مشفهوش غير عينيك ع الأرض

لو أحكي عن اللي جوايا
شهادتي هتبقى مجروحة
ده حب مفيش معاه نهاية
واللي زيه يادوب يتعد

بصاتك مالها كده بتاخد وحياتك
قولي إزاي دي في أساسياتك
عامل حاجة في كل حالاتك
خاطفة الناس ومسيطر

عامل لمشاعرك خط أحمر
ماشي بمبدأ مش بتغير
خدتني فوق ما أنا كنت أتصور
ليك وخلاص

بصاتك مالها كده بتاخد
كل حالاتك خاطفة الناس ومسيطر
عامل لمشاعرك
ماشي بمبدأ ليك وخلاص