إذا ناوي على الروحة وحاسب للغياب حساب
أبي اسأل قبل لا تروح قلبي وين خليته

أنا ما أدري من المخطي ولا أقدر أزيد عتاب
عطيتك قلب يا قلبي يا ريتك بس داريته

نويت تروح يالغالي ولا أدري وش الأسباب
ونور الشوق في عيني دخيلك ليه طفيته

خلاص أشوف ما ودك تعاتبني عتاب أحباب
حرقت القلب في بعدك وأشوفك حيل مليته

ترى قلبي مثل وردٍ كساه الرمل وصار تراب
يا ليتك بس بيدينك هذاك الورد ضميته

مدامك بايع العشرة وناوي تقفل الأبواب
أبي اسأل قبل لا تروح قلبي وين وديته