تبيني شلون أنا أسامح وقلبي رافض الفكرة
مدام إني قدرت أنسى ترجعني حبيبي ليه
أنا أحبك ولكني شقيتك من هنا لبكره
أمانه لا تذكرني نسيتك والغلا ما بيه

شعوري ما يخليني أصارح شخصك وأشره
كثير اللي حصل منك وقليل اللي أنا أرجيه

كثر ما كنت أنا أحبك كثر ما صرت لك أكره
كثر ما خاب بك ظني ما جيتني تشكيه
وأنا من طيبتي تدري خذاني غشه ومكره
توسدت الهوى وأحسب مكاني بالغلا شاريه

قديم الشوق يا خذني على بال الهوى وأمره
وأنا خايف على شوقي يصحي ما دفنته فيه

ألا يا مشقي الخاطر تشوف أوضاعنا خطره
ملاها من الفرح صوتن تغنى والحزن ماليه
يموت أحيان بك قلبي ولكن موتته حسره
أجل تحسب هذاك اللي دفنته راجعن تحييه

تصدق عاد ما ودي أخون الود والعشره
ولكن ذا مصير اللي يودع بالغلا غاليه