أنا مهما أعملك
اللي بتحبه واللي يرضيك
ليه مفيش فايدة فيك
ليه ليه ليه

بفرحك وإنت تزعلني
بريحك وإنت بتتعبني
بقربك وإنت بتبعدني
طب أقولك إيه طيب
بكبرك وإنت تصغرني
بقدمك وإنت تأخرني
بطلعك وإنت تنزلني
ده جزاتي عشان طيب

أنا مهما أعملك
اللي إنت عايزه وتتمناه
ليه كل ده بتنساه
ليه ليه ليه

بضحكك وإنت تبكيني
بحنلك وإنت تقسيني
بنورك وإنت بتعميني
مفرقش معاك قلبي
بدلعك وإنت تعذبني
بصدقك وإنت تكدبني
بعيشك وإنت مموتني
ومخلص على قلبي