أنا متأثر بغيابه
أنا دايما مش مرتاح
ده فراق لا عملت حسابه
ليه زعلت أنا بعد ما راح

ويا عيني ع اللي راح منه حبيبه
آه يا عيني
ده محدش في الحياة دي عاش
اللي بينه وبيني

وما سبتش أي مكان
كان راحه معايا زمان
إلا ما سألت عليه
والناس قالوا ما بيجيش

أنا منه بقيت محروم
ومخاصم عيني النوم
راضي باللي تقوله عليه
لو أشوفه وما يشوفنيش

ويا عيني ع اللي راح منه حبيبه
آه يا عيني
ده محدش في الحياة دي عاش
اللي بينه وبيني

مش عارف معنى سكوته
ولا أخرة بعده ده إيه
وهموت أنا واسمع صوته
وآخده في حضني وأخبيه

أنا مش شايف قدامي
غير صورته غير لياليه
أنا بتلخبط في أسامي الناس
وبنادي عليه

ويا عيني ع اللي راح منه حبيبه
آه يا عيني
ده محدش في الحياة دي عاش
اللي بينه وبيني