تشرق الشمس وتغيب
ويقسى قريب
وينسى قريب
وفي أغلب الأوقات نعرف
بعد ما يفوت الأوان
ما خاب ظن إلا ف قريب

تصدق ظنون وتخيب
ويهجر حبيب
ويغدر حبيب
ومره من المرات يصدف
في غفلة من طبع الزمان
يصدق ويوفي حبيب
تشرق الشمس وتغيب

لي قلب خلى عيني مزنه
تمطر عذاباته دليل
إن المخلد وسط سجنه
من ينتظر رد الجميل

لي قلب دقاته غدت عل وعسى
يحيا على بعض الأمل في المستحيل
هي قوته تكمن في وهنه

لو يجمعوا ما في القصائد من أسى
وكل الأغاني من الأزل عن الرحيل
ما عبرت عن بعض حزنه

سامح خطايا من طغى وجار وقسى
وأبحر به لشط الجل وأشعل فتيل
أحرق مجاديفه وسفنه

يا قلب أتعبني صمودك
بالله قلي
إنت قلبي أو قلب من خانوا عهودك
وقلي من فينا اللي مخطي
وقلي من فينا المصيب

يهجر حبيب ويغدر حبيب
ومره من المرات يصدف
في غفلة من طبع الزمان
يصدق ويوفي حبيب
وتشرق الشمس وتغيب

يا قلبي المخدوع يكفي
قل وش تبي أمرك غريب
اللي تحبه عنك مقفي
وما سأل عنك وتجيب

من ينتظر من غدر ومضه من وفا
ومن ظلم لحظة من عدلك المستجير
بيموت من آلام جرحه

ومن ما عرف من دنيته إلا الجفا
وشلون يقدر يستدل كيف المسير
وأي درب يوصل يم فرحه

ومن هو بنى بالوهم صرحه في الخفا
لو بان صرحه معتدل يبقى المصير
الهدم لأوهامه وصرحه

يا قلب أتعبني صمودك
بالله قلي
إنت قلبي أو قلب من خانوا عهودك
وقلي من فينا اللي مخطي
وقلي من فينا المصيب

يهجر حبيب ويغدر حبيب
ومره من المرات يصدف
في غفلة من طبع الزمان
يصدق ويوفي حبيب
تشرق الشمس وتغيب