خذ عيوني وعطني من حبك قليل
يكفي وإنت اللي قليلك مكثره
عطني من عينك ضيا نجمه وليل
وخلني بكيفي أعيشه وأسهره

تدري إنك واحدٍ ما له بديل
قلبي عن باقي الأوادم ما درى
لك يفيض بداخلي من الحب سيل
وإلا غيرك ما يحرك بي أشعره

يالفريد النادر الغالي الأصيل
الجفا منك حبيبي مقدره
قربك يخفف علي همي الثقيل
وهمسك يرتب في روحي البعثره

إنت من جدك تبي لحبك دليل
آه لو تدري غرامك مكبره
قلبي ملكك وين ما تميله يميل
ما قدر إلا غيابك يكسره