بيني وبينك يا محبوبي تحدي
من يحب الثاني أكثر وبدليل
الأدلة في الهوى والشوق عندي
عشتها ما بين صبح وبين ليل

حلوه طعم الحب يوم تكون ندي
ويا كبر حظي إذا كنت القتيل
إنت ندي ولا حشى منت بضدي
لك غلا في لبة الخافق مثيل

شوف حبّك خلى الكون وردي
كل شي حولي معك أصبح جميل
لا تصدقني إذا أنا قلت هدي
زيدني بالحب واتركني عليل

قال صبرك يا محبي ويا مودي
لا تظن بالقلب من حبّك بخيل
كيف أبخل وإنت متولي ليلي
وماخذني حلمي للعمر الطويل

عشت بك ما بين جزر وبين مدي
لو بدور في الملا ما لك مثيل
في شفايا وفي عيوني وفوق خدي
تقدر تلاقي علامات الخليل

أملك الدنيا مادامك إنت حدي
تعرف إن العمر دونك مستحيل
قلت له يا زين هذاك التحدي
لا يباين حبنا بأجمل دليل