إنتي إتجننتي ولّا إيه
إزاي أقدر أسيبك هنا
دا أنا بنسى العالم واللي فيه
أول ما تقوليلي بحبك أنا

فاكراني نسيت ولّا إيه
كل اللي عملناه عشان نبقى سوا
نسيت الموج نسيت البحر
ولّا نسيت أحلى ليالي الهوى

يبقى مين أنا مين أنا
ياللي إنتي معنى النور والهنا
يبقى أنا مش أنا
لو فكرتي إني أقدر أسيبك هنا

نهرب ونروح لبعيد
وندور على بيت وشط جديد
نروح لهناك ونعيش
أجمل ليالي الهوى الهوى

إنتي إتجننتي ولّا إيه
إزاى تقولي تعبتك أنا
أومال أنا عايش لمين
عايش لهوانا وعايش لحبنا

فاكراني نسيت ولّا إيه
حبك ليا هو اللي بيقويني
نسيت الموج نسيت البحر
ما فيش حاجة تقدر تنسيني

يبقى مين أنا مين أنا
ياللي إنتي معنى النور والهنا
يبقى أنا مش أنا
لو فكرتي إني أقدر أسيبك هنا