في عيونك شي ياخذني بعيد
وفغرامك طعم ماذقته أبد
إن سألت وقلت أنا بقلبك وحيد
قلت أي بالله ولا حولك أحد

في جدار العرق أسمك فالوريد
ما يمر العرق غيرك لو جهد
شوفتك تشعل شعوري من جديد
لاغيه قبلك شعوري للمهد

كل يوم فقربك إنته يوم عيد
ما افرق فالربوع وفالأحد
ودي الساعات في يومي تزيد
ساعتي قربك ثواني بالعدد

ان حكى ثغرك احاسيس وقصيد
اشعر إني فوق هالغيم انوجد
وانسى هالعالم وودي لو تعيد
كل كلمه من شفاهك تنعقد

في وصوفك تعترض هل من مزيد
والحروف تقول لي هل من مدد
هاك كلي خذني لعيونك فقيد
قول اشر هاكني لك مستعد

باقي لك حكم ثابت مايبيد
باقي لك شعب وصروح وبلد
يافرح قلبي و خفاقي السعيد
يافرح يسري بدمي للأبد