عارف إحنا طول فراقنا زي إيه
زي لوحة باهتة لونها ما يترسمش
زي سطر في صفحة متشخبط عليه
مهما تقرا فيه تلاقيه ما بيتفهمش

زي طفلين وقت لمّا بيغلطوا
بتلاقيهم خافوا يومها وعيطوا
زي حرفين مشبوكين وإتفرطوا
زي طرفين مقطوعين ما بنتلضمش

كنت عمري
يا اللي مقصود بالكلام
كنت ظهري
ونفسي ظهري ما يتقطمش
هو بالليل ينفع إن العين تنام
إلا لو يحضنها ويغطيها رمش

ليه وافقنا
وسيبنا بعض إزّاي كمان
وإتفارقنا
قال عشان ما بنتفاهمش
عننا ما كنا إتفاهمنا من زمان
بس من اللي بينا كنا ما نتحرمش

كنت عمري
يا اللي مقصود بالكلام
كنت ظهري
ونفسي ظهري ما يتقطمش
هو بالليل ينفع إن العين تنام
إلا لو يحضنها ويغطيها رمش