تعبان أي والله تعبان
وهمي آه آه يا همي
ليلي سهر وأحزان
وبعروقي نشف دمي
دمي يا دمي

كل هالتعب اللي تشوفه بعيوني
تسألني عنه وإنت أدرى البشر فيه
غريبة تسأل وإنت سبة طعوني
وإنت عذابي وكل حزني وطاريه

شيٍ يهون وشي لا ما يهوني
شيٍ خفيته وشي مقدر أنا أخفيه
ما شفت لوني منخطف منك لوني
ما شفت بعيونك وش اللي أحاتيه

كل هالتعب اللي تشوفه بعيوني
تسألني عنه وإنت أدرى البشر فيه

بالناس لو غيرك حبيبي يبوني
ما بي هواهم لا ولا أبي لياليه
لو دوروني في عيونك لقوني
يلي خيالك وين ما رحت الاقيه

كل هالتعب اللي تشوفه بعيوني
تسألني عنه وإنت أدرى البشر فيه