خسارة عمري
ضاع على وحدة طلعت ما حبتنيش
وباعت قلبي كده بسهولة
نسيت وقادرة تعيش
ولا إشتاقت
ولا حنت
ولا فارق معاها كمان
بكل بساطة نسيتني
ولا عملت حساب لزمان

وأنا اللي فاكرها في بعادي
بتتعذب ولا بترتاح
فاكرها عايشة أيامها
ما بين حيرة وندم وجراح
أتاريها ولا حاسة وقالت عادي
حب وراح

خسارة عمري
ضاع على وحدة ضحكت عليا سنين
يا دوب أنا كنت واحد
عدى في حياتها خدله يومين
ولا طلعت ملاك يعني
ولا وياها شفت أنا خير
في أول فرصة جت ليها
بعتني قوام بدون تفكير

وأنا اللي فاكرها في بعادي
بتتعذب ولا بترتاح
فاكرها عايشة أيامها
ما بين حيرة وندم وجراح
أتاريها ولا حاسة وقالت عادي
حب وراح