الجرح مع الأيام بيزيد
والصبر خلاص مبقاش بيفيد
ده طريق نسيانك شكله بعيد
محتاج له أيام وليالي
نستني الراحة وطعم النوم
وبسكت جرح التاني يقوم
وليلاتي بعاتب نفسي وألوم
كان مالي أنا بيك كان مالي

توبة توبة توبة
إن كنت أطاوعك تاني
نوبة نوبة
ويّاك حبيبي ليه العدلة مقلوبة

هو اللي آمنكم ليه تخونوه
ليه قلبي يصدق ناس ظلموه
في الآخر فوق الشوك خلوه
بيعاني ليالي ليالي
لو كنت تهون على قلبي في يوم
لو كنت أنساك مبقاش مهموم
يوميا قلبي ينام ويقوم
على جرح الغالي الغالي

توبة توبة توبة
إن كنت أطاوعك تاني
نوبة نوبة
ويّاك حبيبي ليه العدلة مقلوبة