أنا كل يوم أكتب لك رسايل بين بيت و بيت
كتبتك لين ما بين من المقصود بأفكاري
تعبت اسمع من العالم جميل ومبدع وحبيت
وأنا اللي أكتب لأجله مـ هو شايف ولا قاري

غريبه من تفارقنا لا قلبك حن ولا حنيت
غريبه م إنت أبد مثلي تجي و تدور اخباري
تشوف فراقنا خيره وش الخيرة إذا صديت
وش اللي تستفيده من فراقي يا أخْيَر أقداري

يا ليتك بس في بعدك حبيبي صدق ما خليت
ف بالي ذكريات وما تجي كل يوم في طاري
أحبك كل هالعالم دروا بي وإنت ما حسيت
أو إنك تدري بحبي و كنّك عني مو داري