يا حب يا حرب ما في سلم في حبك
يا النار تحرق أو إن البرد ياكلني
بين العداوة وبين الود في قربك
لاني خذيتك ولا إنتا المبتعد عني

مره يراودني شعوري أبتعد عنك
ومره أجيلك بذاك الشوق تاخذني
يمناك فيها الحنان وطيبته قلبك
ويسراك فيها جروحي يوم تكسرني

يا حب يا حرب ما في سلم في حبك
يا النار تحرق أو إن البرد ياكلني

تزعل وأزعل على هذا الزعل منك
ما عاد نعرف أسامح أو تسامحني
أول جدالك حبيبي كنت به ندك
وآخر جدالك أحبك لو تجادلني

يعني أحبك وأسبك وأرجع أحبك
مدري حبيبك او الأعداء تشبهني
ياسيل يا ويل أعيشه دايم بجنبك
يا الماء تروي أو ان الويل يذبحني

يا حب يا حرب ما في سلم في حبك
يا النار تحرق أو إن البرد ياكلني