لو كان بإيدي قبل ما اتولد
اختار حياتي واختار زماني
واختار مكاني واختار صفاتي

لو كان بإيدي
اختار طريقي واختار حبايبي
واختار قرايبي واختار صديق

لو كان بإيدي
أعرف نصيبي واعرف عدوي
قبل ما أعرف حبيبي
ما كنت يوم يا دنيا حسّيت بالندم
ولا اى يوم يا دنيا داق طعم الألم

لو كان بإيدي
يا دنيا بعد ما جيت أنا
أمسح دموعك واقيد شموعك
وافرش طريق كل اللي فيكي بالهنا

لو كان بإيدي
يا دنيا بعد ما جيت أنا
أقول حكاوي وأقول غناوي
تسعد قلوب كل البشر
مليون سنة

لو كان بإيدي
أشوف وليدي عايش فى دنيا حب
ما كنت يوم يا دنيا حسّيت بالندم
ولا قلب يوم يا دنيا ذاق طعم الندم