مهما إديتك ورود
لا متقوليش كفاية
يا حبيبتي أنا كنت أموت
لو إنتي موش معايا

في عيونك إنتي يا حبيبتي
بشوف فيهم حقيقتي
من يوم ما قابلتك إنتي
مببصش في المرايا

لما ببص في عينيكي
بعرف إني وسيم
ليه موش مصدقاني
طب والله العظيم
لما بتلمس إيديكي
إيديا قوام كده
بعرف معنى الحنان
وأعرف معنى الرضا

قلبي وأنا لسه راجع
من مشواري البعيد
من أول حضن ليكي
بيدق من جديد
ما أنا قد إيه تعبت
وإتحملت وشقيت
وقد إيه بعدت
وفرحان إني جيت

لما ببص في عينيكي
بعرف إني وسيم
ليه موش مصدقاني
طب والله العظيم
لما بتلمس إيديكي
إيديا قوام كده
بعرف معنى الحنان
وأعرف معنى الرضا