سامحني يا حبيبي
مش قصدي اجرحك
لمّا بقولك نبعد وننسى حبنا
تسألني ليه حقولك
عشان اريحك

ويا ريت قلبي يطاوعني
وارتاح كمان أنا
خبيت عليّا ليه سرك من الأول
وسيبت ليه الطريق يحلو ويطول

إنت كان لك ماضي قبلي
وعرفت غيري وحبيته
والماضي ده جالي وقاللي
اداك حياته واديته

وعشان كدة كان لازم افكر
قبل ما أحبك اكتر واكتر

لو حبّك الماضي صحي
وتلاقي روحك بين حبيبين
حيبقى فين أنا مطرحي
وساعتها اروح من جرحك فين
سامحني يا حبيبي
مش قصدي اجرحك

بتحلفلي وبتقولي ده
كان ماضي وصبح ذكرى
واعيش أنا ليه مع صورة
جايز تنده عليك بكرا
واضمن منين الأمان
مع ذكرياتك زمان
والقلب عمره ما بينسى
بيسيب علامة ولو همسه

بيلوموني ويسالوني
ماضي هواك ليه مخوفني
وقلبي ليه محتار
أقول يا ناس افهموني
ليه مقاليش وصارحني
من أول المشوار
لكن إنت كدبت عليّا
وإنت أول حب ليّا

ايوة حبيتك
حب فرحني وسهرني وهناني
حب مش ممكن يكون في الدنيا له تاني
بس مش حقدر اكمل الطريق ويّاك
خطوة تالتة ماشية جمبي بتشاركني هواك

وعشان كدة كان لازم
افكر قبل ما أحبك اكتر واكتر