سلام ياللي عليه الدمع مسفوحي
طول غيابه وحال اليأس من دونه
خبري به العام يوم الوصل مسموحي
يوم الهوى سنته للناس مسنونه

واليوم عني وزين الروح مطروحي
حسبي على اللي على بابه يردونه
ليله فراقه بعيني عيت تروحي
دايم على البال تخطر دمعة عيونه

هو نور عيني حبيبي هو بعد روحي
وشلون أبقضي حياتي ساليٍ بدونه
لي قلت أبنساه أحس بنزعة الروحي
وإن جيت أبلقاه عيوا لا يخلونه

يفوح صدري على شوف الغضى فوحي
نار الهوى تشتعل بالجوف مكنونه
باقي على الود لوني فيه مذبوحي
لا خان عهدي وأنا والله ما أخونه