كان ممكن تتمسك بيا أكتر من كده
كان ده المتوقع وأتاريك طلعت وهم
قال وأنا كنت يا عيني عليا متأكدة
دلوقتي بتتأسف ليا
شكراً يا شهم

ممكن نتكلم بصراحة ومن غير تكليف
مش وقت ذواق في كلام وكمان تأليف
أنا آسفة بجد إني بقولك كلمة
ياريت تسامحني
‫بس ما تاخدهاش على قلبك
إنته ضعيف

عمري ما أبكي تاني على حد
حط بينا ألف حيطة سد
ده اللي خان وبالسهل يوم هد
غني عن التعريف

إللي إنت بتعمله ده طبيعي عشان منظرك
قصر شطبنا خلاص يلا مالكش حظ
مع نفسك وأنا مش خسرانة وهفكرك
بعدك عني لا هيقتلني ولا هتهز

وهحاسبك ليه
فات يا حبيبي وقت الحساب
ما تأنبش ضميرك عادي
ما تشيلش هم
الناس بتبيع الأيام دي برخص التراب
والنهايات كلها في الآخر حافظنها صم

عمري ما أبكي تاني على حد
حط بينا ألف حيطة سد
ده اللي خان وبالسهل يوم هد
غني عن التعريف