تاعبني ومعاه
أنا عايشة تجربة مؤلمة
وشايفة الحياة ويّاه
في عيني مغيمة

تاعبني وأنا مش مرغمة ولا ملزمة
أكمل حياتي معاه وأنا متأزمة

مانيش باقية على حاجة وبقيت مستبيعة
دي معرفتي بيه مش شايفة منها منفعة
خلاص يلا نفسي وليه هنعيش مع
واحد جابني سابع أرض من سابع سما

فكرت إني حياتي هستحملها بيه
وبالعكس لمّا دخل حياتي هدني
فكرته حد بجد أنا هتسند عليه
ولقتني لمّا بتسند عليه بنحني

ومانيش باقية على حاجة وبقيت مستبيعة
دي معرفتي بيه مش شايفة منها منفعة
وخلاص يلا نفسي وليه هنعيش مع
واحد جابني سابع أرض من سابع سما