شمعة الحب طفتها كفوف الليال
واستعادت مع الذكرى زمانٍ بخيل
استعادت من الماضي قديم الوصال
حبنا اللي من أقدار الليالي قتيل

حبنا اللي تعدى في عطاه الخيال
ما بقى له من البسمة بقلبي قليل
كنت أضمه بروحي عن هبوب الشمال
وأحترق في لهب ناره وحالي نحيل

ما أحسب إنه يموت الحب هذا محال
لا ولكن أحسبه من فؤادي يزيل

لكن الشمس دايم تنحني للزوال
وينتهي في أثرها كل يومٍ جميل
ما تدوم السعادة لو يطول المطال
والشقا للمحبة باقيٍ والدليل

أول الحب نظره وابتسامة دلال
و آخر الحب دمعه وابتعاد طويل

شمعة الحب طفتها كفوف الليال
واستعادت مع الذكرى زمانٍ بخيل
استعادت من الماضي قديم الوصال
حبنا اللي من أقدار الليالي قتيل