اللي يدني نفسه فغب الدنا
غير الذي شبره أبد ما قاسي
والعمر روز للوفي واللي شنا
واللي بعد خظ السعن يقتاسي

هل كيف يجنا لا بعد منك جنا
له عين جنب زل به عكاسي
إلا أنا مشغوب قلبي في السنا
عود لدين ينتعش بإحساسي

يا صاحبي نجم الثريا ما فنا
عالي وضيّه في نظرهم ماسي
واللي عنا ما يتعبه كثر العنا
يوصلك لو دونك فضا وغلاسي

من فك باب فواد حبّه ما شنا
وضع الوفي على الوفا حساسي
وطود السحايب مادنا غيثه دنا
ترقب مراهيشه قفار إيباسي

كم لي تبعه الال ولا أورد هنا
يحسبه علم وهو حلم مغماسي
اسأل خفوقك هل بيخفق بمعنا
وإلا هو فطن جيري له حباسي

من جاده الله حط في نفسه غنا
ما هتم لنه بو جدح لأغلاسي
اللي يدني نفسه فغب الدنا
غير الذي شبره أبد ما قاسي

نغرس بذور الود ونريض المنا
ونسقي من عروق الغلا لغراسي
أما جنينا من هقاوينا غنا
وإلا نعيض الود دون إفلاسي

والعود يالصامل تمايل وإنثنا
ما ظن يمسي دون وصلك قاسي
رجم به الجرناس منزاله بنا
عليه نسمات الغلا حراسي