أنا مشتاق لك قلي عسى شوقي علي ارضاك
لعبي وإنت باعذارك تسوف لي متى تلطف
تفضل شوف وش سوا الوله عقب الرجا حياك
ووش سبة عناي إلا مواعيد لها تخلف

متى تفضى من أشيائك وأنا اللي من أهم أشياك
تقول إنك مبديني وأنا المركون فوق الرف
وتقوى تترك عيوني ترف وترتجي لاماك
حبيبي سكن عيون لها مده عليك ترف

متى الميعاد علمني وش اللي ردك ولهاك
كفاك أعذار لا تخلق لهالغيبه عذر اسخف
وياما ماتت ورود لك اقطفها ولا تلقاك
تمنيني واعشمها وتذبل لك وارد اقطف