يا حبيبي حبك في دمي
وسط قلبي والشراييني
يوم أشوفك ينجلي همي
من على الدنيا تنسيني

الغوى والزين ملتمي
فيك يا سيد المزاييني
فيك كل الحسن متنمي
من الجدم لي حاجب العيني

واليديل أسمر ومدهمي
زاد ع الخصرين ويليني
ورد فايع راقي الشمي
فوق الخد الباهي يبيني

في حياتي عندي مهمي
دايماً روياك تغزيني
في بعاده همي وغمي
وبوجوده تزهي سنيني

يعل داره يودن معمي
رملها وبطاحها تزيني
والغدر من فيضها تزمي
والبدو تورد بها الهيمي