وين يالغايب عن ولوفك
قاطع ما تذكر أولافك
مرت سنين ع شوفك
ونظري بالعين ما شافك

بك تغلي ولو بك ظروفك
لو حسود بالوشى لافك
صرت لا أشوفك ولا ألوفك
معتلي في راس مشرافك

قلبي بحسرات ملهوفك
يشتكي الهجران بعنافك
ما نكر لك طيب معروفك
يوم تصخي له من أعطافك

وإنت عني مبتعد طوفك
مالفتني نجده اسعافك
قاسي ما داخلك خوفك
في الهوى تلعب بي إسرافك

في المحبة ذاب متلوفك
وإن غدى يا زين باتلافك
مدخل الله خذني بروفك
لا تعذب روح مولافك

بك جمالٍ خذت به نوفك
يوسفي ترفه أترافك
كالخزاعية يهلك طروفك
والسحر في ساجي أطرافك

معتزل عودك من نصوفك
مايس ويميل غريافك
لو بوصف فاقت وصوفك
والوصايف كامل أوصافك

وين يالغايب عن ولوفك
قاطع ما تذكر أولافك
مرت سنين ع شوفك
ونظري بالعين ما شافك