لا تحسبني يوم أناديك برجيك
هذي بقايا من صورك القديمة
لا والذي خلى حياتي بياديك
ما أقبل على نفسي دموع الهزيمة

حتى لو إني ميتاً فيك وأغليك
مصيبتي من بعدك أدري عظيمه
لي عزةٍ تمنعني حتى أحاكيك
مالي بلياها مكانه وقيمه

كانك رضيت بغيري الله يهنيك
ما أجبرك أنا كلٍ يدور نديمه
لا تنتظر تكفى والله يخليك
الله لقلبٍ ذاق طعم الظليمة

يكفيك إني كنت مخلص وشاريك
واللي بدى بالظلم ربي يضيمه
أنا لي الله يوم خاب الرجا فيك
ببعد وكلٍ له كرامه وشيمه

لا تحسبني يوم أناديك برجيك
هذي بقايا من صورك القديمة
لا والذي خلى حياتي بياديك
ما أقبل على نفسي دموع الهزيمة

ما راح أبدعي عسى الله يشفيك
مردها تشبه جروح الأليمة
على العموم أبعد وربي يهنيك
وانسى تشوف بعيني دمع الهزيمة