الرئيسية ›› المطربين ›› ميحد حمد›› كلمات اغنية الجو شتوي ميحد حمد

الجو شتوي

ودع صباح الحاضرة والمدينة
واختار لك خائع عن المدن مبعود
به من حقوق الوسم نبتٍ يزينه
فيه الغدير وظله السدر والعود

ما فيه غير أم الوضيحي وطينه
والصوت قفاعي ويا صوت مفرود
والعشب توه ظاهرٍ من دفينه
وريح البرم يسري معاً نسمه النود

ونظره غنوجٍ مغزله في يمينه
لي من خلق ما داس للشين منقود
وإن يالمساء ذب النقاه الملينه
الجو شتوي والمطر مثري برود

ونار اليريبي ما تسوي دخينه
في الليل ريحتها شرا ريحة العود
شب الحطب وأعمل ونق السمينة
اللي رعت في برها قطب وعقود

وأرمس مع اللي ما شكوا من غبينه
مع ربعك اللي هزرهم فيك موجود
وأدي فروضك وأستعيد السكينة
لك من صلاتك راحة ركوع وسجود

نزهة دوى لهل النفوس الحزينة
مع دندنة ميحد على نغمه العود
يرتاح بالك عن ضجيج المدينة
وتنسى الزحام ويرجع الأنس ويعود

كلمات اغنية الجو شتوي ميحد حمد

أداءميحد حمد
كلماتأحمد بن سعيد المجعلي
ألحانميحد حمد
الإصدار2023
25 مشاهدة