أسمع نبيل شعيل وأعشق أغانيه
سكة سفر والحب بأول معانيه
أهديه الحبيبة صادني في غرامه
والحب لايق عليه بكل ما فيه

غنيت طبعاً غير واللي حصل غير
والعشق يذبح ما أنتهى بي على خير
يا من شكالي حاله أشكيله الحال
وأدفع ثمن عمري إذا عاد ماضيه

راحت وقالت تبتجي عقب يومين
وأمسيت أنا ناطر ولا جتني سنين
للحين أحبها بس ع البعد مجبور
من قال لك أن الهواء صرت ناسيه

مدرى إذا أحيان يهنى لها نوم
وإحساسها شمسوي مع غيري اليوم
ما هو بيدي دامها في النهاية
غنت تسافر والغلا راح غاليه

مسك الختام أهدي حبيبٍ أحبه
أما كذا ولا بلاش المحبة
هلي يا قمره في ليالي حبيبي
ويا شمس لا لا تغيبي عن أراضيه