من يشبهك في الناس يا سيد الناس
من زود حسنك لين روعة عيونك
وإحساسك بها الكون ما مثله إحساس
الكل من هذا الحلا يحسدونك

فتان عالي الذوق هادي وحساس
من رقتك كل البشر يعرفونك
هم من ذهب بس إنت من حر الألماس
فارق غلاك وصعبهم يوصلونك
ياخذك مقياس الغلا أكبر قياس
عالي وكل الناس في القدر دونك

هامات توقف لك وتحبسلك أنفاس
ودهم حبيبي للأبد يعشقونك
صرت في جمالك إنت للناس مقياس
وإذا طرى شي بالحلا يذكرونك
مكانتك تبقى على العين والراس
يا كثرهم من ودهم يعرفونك