تضحكلي الدنيا في ضحكتها
ويسرقني الوقت في قعدتها
دي بتاخد العقل بحلاوتها
أنا ما قابلتش أجمل منها

تتدلع تختار على ذوقها
وبسيبها على راحتها بشوقها
عيني بتحسدها على هدوئها
أنا ما ببطلش كلام عنها

دي بنت ناس
وتختلف عن كل الناس
ولو كان للقمر إنعكاس
هينعكس على مرايتها

دي بنت ناس
بجمالها يشهد كل الناس
وعيون جميلة مليانة إحساس
ما بشوفش حد في رقتها

بيروقلي الجو بروقانها
إسمي بيحلو على لسانها
ولا حتى أربعة يملوا مكانها
لأ هي وبس مافيش غيرها

بتمزج لمّا أسمع صوتها
بتمزج أوي لمّا أبسطها
وموافق على كل شروطها
مش شايف في الدنيا دي غيرها

دي بنت ناس
وتختلف عن كل الناس
ولو كان للقمر إنعكاس
هينعكس على مرايتها

دي بنت ناس
بجمالها يشهد كل الناس
وعيون جميلة مليانة إحساس
ما بشوفش حد في رقتها