هو كان هايم في عيونه ولاهي
عاشق وشاف السالفة مستحيلة
البارحة بالشوق شفته يباهي
واليوم أشوف الحزن يعلن رحيله

راضي بحظي وما كتب لي الاهي
طالبك أنا مالي بالأشواق حيلة
أبعتذر لو كنت في يوم ساهي
ولا هقيت اسهى دقايق قليلة

هو شوف عيني وشد كل انتباهي
قلبي واعرفه وكل قلب ودليله
كل الحكي لا سولفت به شفاهي
مشتاق أنا اسمع منه ولا أشتكي له

وينه لو إنه عن هوى الحب ناهي
في داخلي قلب تمنى يجي له
هو كل عمري والعمر فيه زاهي
ليته يسامحني يكمل جميله