هو ليه كل حاجة مصممة تفكرني بيه
آه لوحدي ببقى خايفة بس ده خوفي عليه
مش بشوف في حياتي غيره وأعمل إيه
هو مين ينسى يوم عشرة زمان عشرة سنين

ممكن أبقى دعيت وقلت يا رب أنسى
بس بزعل لمّا حد يقول آمين
ولسّه بسأل نفسي برضه هو فين
مين هيطمن عليّا مين هيمشي إيديه في إيديا

مين هقوله إني بحبه وهو بيبص في عينيا
مين هعيش يومي عشانه وأعشقه حتى في جنانه
مين مجرد لمّا أشوفه من عينيه بفهم كلامه

أنسى إيه أنسى صوته وضحكته ونظرة عينيه
كل حاجة في عمري ناقصة ومش هتكمل إلا بيه
ده اللي ممكن أبيع حياتي وأشتريه

واللي فات لسّه بسرح فيه يوماتي بالساعات
اللي بينا حب أكبر من مجرد إنه يبقى عندي حبّة ذكريات
ولا حاجة يعني من ضمن الحاجات